শাৰীৰিক

উটি যাব খুজিছোঁ
আজি ৰক্তস্রোতত উটি যাব খুজিছোঁ
আজি ভাগি-ছিগি ভাঁহি যাব খুজিছোঁ

উইচিৰিঙাৰ মাতৰ নির্মম অন্ধকাৰত
তোৰ শৰীৰ চাব বিচাৰিছোঁ
চাব খুজিছোঁ
কিমান অশ্লীল ৰক্ত-প্ৰবাহত
ধুৱাব পাৰ মোৰ শৰীৰ
কিমান অশ্লীল

চাকি চা চাকি চা মোৰ জিহ্বা
এতিয়াও অজন্মা
উদ্দাম এক ৰাগৰ বিৰতিত
তই থুৱাই দে
তোৰ ঘাম আৰু অন্ধকূপৰ নির্যাসেৰে
মচি পেলা মোৰ চকু
আৰু তোৰ বুকুৰ আক্ৰোশী
স্তন

আহ, থুৱাই দিওঁ আজি
তোৰ পিতা-মাতা
মোৰ ভৱিষ্যৎ

আহ, খুলি পেলা তোৰ শৰীৰ
ভাঙি পেলা তোৰ জানু জংঘা
চিকমিক কৰক তোৰ লেতেৰা গোন্ধ
আৰু তেজৰ উদ্দাম সুৰ।