বিষয়: অসমীয়া ভাষা

অসম সাহিত্য সভাৰ ৭৩তম কলিয়াবৰ অধিৱেশন (৩১ জানুৱাৰী-৪ ফেব্ৰুৱাৰী, ২০১৫)-ৰ সভাপতি ডাঃ ধ্ৰুৱজ্যোতি বৰাৰ অভিভাষণত অসমীয়া ভাষাৰ অপ প্ৰয়োগ সম্পৰ্কত ডঃ ৰমেশ পাঠকৰ আলোচনা।
..............
# আমাৰ অসম, ২৮ ফেব্ৰুৱাৰী ২০১৫

আপোনাক, কেজৰিৱাল

৬৭ বছৰীয়া স্বাধীনতাৰ ভগা-ছিগাবোৰ বাটিবলৈ
এলান্ধু-কলীয়া গাৰ ৰং পোহৰ কৰিবলৈ
কংগ্ৰেছ নামৰ শেলুৱৈ, বিজেপি নামৰ ধৰ্মান্ধতা আৰু উন্মাদনা
বাগাড়ম্বৰ আৰু ছলাহী কথাৰ ফুলজাৰিৰ আধাপোৰা আৱৰ্জনা
সাৰি-মচি চিকুণাবলৈ স্বাধীনতা
৬৭ডাল কাঠীৰ এডাল বাঢ়নীয়েই লাগে চাগে কেজৰিৱাল?

অকণমান সততা, অকণমান নিষ্ঠাৰ ফিৰিঙতি দেখি
কৰ্পোৰেটৰ উদৰত জীণ নোযোৱা দুচকুৰ দীপ্তি দেখি
গৰম তেলৰ পৰা জুইত পৰা অজলা জনগণৰ
সেয়েহে চাগে ইমান উছাহ আৰু ওপচাই দিয়া শুভেচ্ছা
স্বাধীনতাৰ নাযায়-নুপুৱাই যেন লগা ৬৭ বছৰত
৬৭জনীয়া নিৰংকুশ সংখ্যাগৰিষ্ঠতা আপোনাক কেজৰিৱাল?